Présentation de la balade:
Médam mésié,
Tèrla lé tan lé séré
Tèrla lé tan lé sèryé
Tèrla lé tan lé salé.
Kan na lé tan salé, mwin mi di :
Kriké !
Kisa i koné pa Ansin, Simandèf, Dimitil, Mafat… tousa bann sèf maron la donn zot non in montayn ? Na d’zafèr pou di si so bann kapor bononm la batay pou rèt lib, pou rotrouv zot lidantité domoun. Na d’zafèr pou rakonté parapor bébèt lorganizasion nana dann Royaume de l’intérieur. Na d’soz pou aprann si léspri maron zot la transmèt trwa frèr zélvèr dann zané 70 foré Létansalé…
Mé FANM ! Okilé fanm ladan ? Akoz nou na pwin montayn i port nout non, nou ? Zot i krwa nou sèrv pa riyn dan listwar maronaz Bourbon ? Bin, krwa sa zot ! I wa zot i koné pa mon vi. Romark amwin lé sinp : sifi di Sa pa pou fanm, sé la mi fé.
In, pétèt zot i vé mi rakont azot mon zistwar maronèz ? Wi ? Non ? Bin koz èk la bous, mé zami !
Si zot lé dakor suiv amwin, mi ral azot dann in désant la kaz groblan sé mwin la roganizé. Avansa, anon fé konésans inn gran-gran sèf pti-pti-minm !
An parlan, zot i koné akoz mwin la anminn azot tèrla Piton Lakrwa ? Sé pou èd amwin trouv Tanrèk, inn ti fémèl tang na la ras. Ali la rouv mon somin fanm maronèz…
Ecriture: Sully Andoche
Interprétation: Natacha Praene
Informations pratiques
- Dates de représentations :
- le dimanche 21 avril 2024
- Balade créative prévue aussi le 28 septembre et le 10 novembre 2024
- Lieu: Rendez-vous au sentier du Piton de la Croix à l'Etang Salé les Hauts.
- Prévoir tenue confortable, baskets, eau, chapeaux ou casquettes, imperméables ou parapluies en cas de mauvais temps.
- Difficulté: Moyen
- Dénivelé: 200 mètres
- Tarifs: Entre 10€ et 18€
- Evenement organisé par Balades-Créatives
- Téléphone : 0692509729
- Site web : https://balades-creatives.com